Almatylyqtar 3 synyp oqýshysyn izdestirip jatyr
ALMATY. QazAqparat - Almatyda 10 jastaǵy oqýshy qyz Anna Ivanova joǵalyp ketti, dep habarlaıdy QazAqparat tilshisi.
Qyz Túrksib aýdany VAZ shaǵyn aýdanyndaǵy úıinen tańǵy 8:40-ta shyǵyp ketken.
Sodan úıine qaıtyp oralmady. Aldyn ala belgili bolǵandaı, qyz úıinen anasymen urysyp shyǵyp ketken.
Týǵandarynyń aıtýynsha, 11:00-de Anna - mýzykalyq mektepke, tústen keıin sabaqqa barýy tıis bolǵan. Ana Ivanova №89 mekteptiń 3 synybynda ekinshi aýysymda oqıdy eken.
Mektep ujymy Annany sabaqta kórmegen.
Anna Ivanova ashyq jasyl tústi bolon kýrtka, alqyzyl maıka men kók shalbar kıgen.
Qazir eriktiler №89 mekteptiń sport zalynda izdestirý tobyn quryp jatyr.
Al polıtsııa departamentinde osy baǵytta tergeý-izdestirý toby quryldy. Túrksib aýdandyq polıtsııa basqarmasy men krımınaldy polıtsııa qyzmetkerleri qyzdy izdestirip jatyr.
