Almatylyqtar 15 shet tilin saıabaqta tegin úırene alady

ALMATY. QazAqparat - Almatyda qala turǵyndaryn shet tilderine oqytý jobasy bastalady, dep habarlaıdy QazAqparat ákimdikke silteme jasap.

«Tilder saıabaǵy» qalalyq áleýmettik joba qatysýshylary shet tilderin tegin oqı alady.

Sabaq qala saıabaqtarynda beıresmı jaǵdaıda ótedi. Jas sanaty – 6 jastan 60 jasqa deıin.

Kýrstar bir aı boıy aptasyna 3 ret ótedi. Tańdaý kóp: 15 shet tili bar.

Oqý bitken soń barlyq belsendi qatysýshyǵa sertıfıkat beriledi.

Osy maýsymda 5 myńnan astam qala turǵyny bilim alady dep josparlanǵan. Shet tilderinen basqa saıabaqtarda qazaq tili sabaqtary ótedi.

Jobany Almaty ákimdigi, jobalyq keńse aıasynda aýdan ákimdikterimen, belsendilermen jáne eriktilermen birlesip uıymdastyrdy.