Almatylyqtan 185 myń doza geroın tárkilendi
ALMATY. QazAqparat - Almatyda «baqylaý satyp alý» ádisin paıdalanyp jedel izdeý sharalaryn júrgizgen kezde QR ІІM qyzmetkerleri áıeldi iri partııa esirtkimen ustady, dep habarlady «QazAqparat» HAA tilshisi prokýratýraǵa silteme jasap.
«Sarapshylardyń qorytyndysyna sáıkes esirtki salmaǵy 3,7 keliden asady, bul «Esirtki, júıkege áser etetin zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» Zańnyń jıyntyq kestesine sáıkes, asa iri partııa bolyp tabylady», - delingen habarlamada.
Áýezov aýdandyq sotynyń qaýlysymen áıelge qatysty «qamaýda ustaý» bultartpaý sharasy sanktsııalandy.
«Bul 2017 jyldyń basynan bastap tárkilengen esirtkiniń eń iri kólemderiniń biri ekenin atap ótken jón. Quqyq qorǵaý organdarynyń sátti áreketiniń arqasynda 185 000 doza esirtki tutynýshylarǵa jetpeı qaldy», -dep atap ótti vedomstvo ókilderi.
