Almatylyq zoobaq qyzmetkeri keriktiń ólimi týraly aqparat úshin jumystan shyǵaryldy
ALMATY. QazAqparat - Almatylyq zoobaq qyzmetkeri keriktiń ólimi týraly jalǵan aqparatty mekeme saıtyna jarııalaǵany úshin jumystan shyǵaryldy. Bul týraly QazAqparat zoobaqtyń baspasóz qyzmetshisi Toqtar Álıevke silteme jasap habarlady.
Eske sala keteıik, buryn, zoobaq saıtynda jýyrda Melman esimdi kerik óliminiń sebebi týraly aqparat paıda bolǵan. Keıin mekeme ókilderi bógde bireýler saıtty buzyp kirgenin málimdedi.
«Búgin kúni boıy tergeý júrgizdik, eki nusqa boldy - DDOS-shabýyl nemese bizdiń qyzmetkerlerdiń biri. Tergeý kezinde bizdiń qyzmetkerlerdiń biri - halyqaralyq bólim qyzmetkeri shyndyqqa janaspaıtyn aqparatty saıtqa ornalastyrǵany belgili boldy. Sol úshin qyzmetten bosatyldy», - dep habarlady ol.
Atap óteıik, bul janýarlar óliminiń alǵashqy oqıǵasy emes - jýyrda 6 jastaǵy Chıta esimdi gepard ólgen.
Zoobaqta onyń kóp ýaqyt aýyrǵanyn habarlady. Veterınarlar ony emdegen. Ólim sebebi saraptama nátıjelerinen keıin belgili bolady. Mamyr aıynda zoobaqta jolbarys ólgen.
2008-2014 jyldary ólgen qarly barystardyń ólimi shý shyǵarǵan.
