Almatylyq jýrnalıster Rahat Mamyrbekti juma kúni aqtyq saparǵa shyǵaryp salady
ALMATY. QazAqparat - Belgili jýrnalıst Rahat Mamyrbekti 22 jeltoqsan, juma kúni aqtyq saparǵa shyǵaryp salady. Bul týraly marqumnyń áriptesi, «Azattyq radıosynyń» qyzmetkeri Qýanyshbek Qarı «Feısbýk» áleýmettik jelisindegi jeke paraqshasynda jazdy, dep habarlaıdy QazAqparat tilshisi.
«Rahat áriptesimizdiń janazasy 22 jeltoqsan, juma kúni shyǵarylady. Ózi turǵan «Qulager» yqshamaýdany 42 úıden janazasy oqylyp, «Keńsaı-2» zıratyna jerlenedi. 21 jeltoqsan kúni saǵat 19:00-de «Orxıdeıa» kafesinde (Jansúgirov kóshesi, 260 V) qonaqasy beriledi. Juma kúngi jerleýden keıingi asy «Áýlet» saraıynda (Talǵar tas joly, Besaǵash aýyly) ótedi», - dep jazdy Qýanyshbek Qarı.
Jeltoqsannyń 20-sy kúni «Azattyqtyń» qazaq redaktsııasy Almaty bıýrosynyń veb-redaktory, jýrnalıst Rahat Mamyrbek qaıtys boldy.
Azattyqtyń habarlaýynsha, jýrnalıst 11 jeltoqsan kúni densaýlyǵy kúrt nasharlap, aýrýhanaǵa túsken jáne erteńine, tańerteń Almaty aýrýhanasynda kóz jumǵan.
Rahat Mamyrbek 1978 jyly 10 aqpanda Semeı oblysy (qazirgi Shyǵys Qazaqstan oblysy) Aıagóz aýdany Tarbaǵataı aýylynda týǵan. Almaty memlekettik ýnıversıtetiniń fılosofııa jáne saıasattaný fakýltetin bitirgen. Jýrnalıstıkadaǵy qyzmetin 2001 jyly «Qazaqstan» ulttyq telearnasynda, «Mezgil» aqparattyq-saraptamalyq baǵdarlamasynyń redaktory bolyp bastaǵan. Keıinirek, ár jyldary KTK, 31 arna jáne «Almaty» telearnalarynda jumys istegen. «Qazaqstan» telearnasynda jergilikti teleaýdıtorııaǵa keń tanylǵan "Kúltóbe" telehabarynyń avtory ári moderatory bolǵan. 2010 jyldan beri «Azattyq» radıosynyń Almaty bıýrosynda veb-redaktor bolyp qyzmet atqarǵan.
