Almatylyq júrgizýshiler 1500 ret avtobýs jolaǵyna shyǵyp ketken
ALMATY. QazAqparat – Almaty polıtsııasy avtobýs jolaǵyna shyqqan kólikterdi baqylaý úshin reıd jumystaryn jalǵastyrmaq, dep habarlaıdy QazAqparat tilshisi.
Jyl basynan beri mundaı quqyqbuzýshylyqtyń kópshiligi Abaı dańǵylynda – 322 ret, Tóle bı kóshesinde – 301 ret, Raıymbek dańǵylynda 790 ret tirkelgen.
«Negizinde qalalyq polıtsııa ekıpajdary qoǵamdyq kólik jolaǵyna shyǵý týraly quqyqbuzýshylyqtardy únemi baqylaýda ustap otyrady. Kóbinese júrgizýshiler Abaı, Raıymbek, Tóle bı kóshelerine kóp shyǵady. Tipti avtobýs joldarynda kóligin qoıyp qoıatyndar da bar. Bul jol qozǵalysyna keri áserin tıgizedi», - dedi qalalyq polıtsııa departamentiniń jergilikti polıtsııa qyzmetiniń komandıri Manap Sattarov.
