Almatylyq jigittiń úıinen esirtki men tapansha tabyldy
ALMATY. QazAqparat- Úıinde mefedron men Makarov tapanshasyn jasyrǵan almatylyq jigit ustaldy, dep habarlaıdy QazAqparat tilshisi.
Esirtki satýshysyn ustaý boıynsha arnaıy is-sharany esirtki qylmysyna qarsy kúres basqarmasynyń qyzmetkerleri polıtsııanyń arnaıy jasaqtarynyń kómegimen júrgizdi.
«Jedel-izdeý is-sharalaryn júrgizý barysynda 26 jastaǵy G. esimdi azamat ustaldy. Onyń turǵylyqty jerin ruqsat etilgen tintý kezinde, aq tústi untaq zaty bar eki polıetılen býma jáne tórt patrony bar Makarov tapanshasy tabyldy jáne tárkilendi. Saraptama qorytyndysyna sáıkes, bul zat «mefedron» sıntetıkalyq esirtkisi ekeni anyqtaldy. Al qarý atýǵa jaramdy», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Atalǵan derek boıynsha qylmystyq is QR QK-niń 297-baby 1-bólimine sáıkes tergelip jatyr.
Kúdikti ýaqytsha ustaý ızolıatoryna qamaldy.
