Almatylyq jigitter voleıboldan Qazaqstan kýbogynyń jeńimpazy atandy
ALMATY. 31 qazan. QazAqparat /Erlik Erjanuly/ - Almatyda 29-30 qazan kúnderi «Temir dos» sport kesheninde voleıboldan KSRO sport sheberi, Eńbek sińirgen jattyqtyrýshy Oktıabr Jarylǵapovtyń qurmetine arnalǵan Qazaqstan kýbogynyń jartylaı jáne aqtyq oıyndary boldy.
Onda jartylaı fınalda Óskemenniń «Shyǵys-QorǵasynQurylys» voleıbolshylaryn 3:0, aqtyq synda Hromtaýdyń «TNK «Qazhrom» sportshylaryn 3:1 esebimen jeńgen «Almaty» voleıboly klýby altyn medal men Kýbok ıegeri atandy. Áıelder arasynda mundaı mártebege Almaty oblysynyń «Jetisý» komandasy ıe boldy. Olar jartylaı fınalda «Astanany» 3:0, aqtyq fınalda «Ertis-Qazhromdy» (Pavlodar oblysy) 3:1 esebimen jeńdi. Qazaqstan kýbogynyń kúmis jáne qola júldesin áıelder arasynda «Ertis-Qahrom» men «Astana», al erler arasynda «TNK Qazhrom» men «Shyǵys-QorǵasynQurylys» ózara bólisti. Onda jetisýlyq Kroınna ıshımtseva men almatylyq Dmıtrıı Gorbatov eń úzdik oıynshy dep tanyldy.
