Almatylyq jigit polıtsııaǵa 1 ǵasyrlyq tarıhy bar tapansha tapsyrdy
ALMATY. QazAqparat - 26 jastaǵy Almaty turǵyny polıtsııaǵa 1 ǵasyrlyq tarıhy bar tapansha tapsyrdy, dep habarlaıdy QazAqparat tilshisi.
Bergmann Baıard (Bergmann Bayard) tapanshasy 1903-1908 jyldary jasalǵan eken. Almaty turǵyny bul tarıhı eksponatty óz erkimen polıtsııaǵa tapsyrdy.
«Almaly aýdandyq ІІB-ge 6,35 kalıbrli «BERGMANN» tapanshasy ótkizildi. Er adam ony Saın Rysqulov kósheleriniń qıylysyndaǵy jerasty jolynda taýyp alǵan. Sonymen qatar, Áýezov aýdanynyń 47 jastaǵy turǵyny ishki ister organyna 10 travmatıkalyq qarý ótkizdi. Er adam qarýlardy qarý dúkenderinen kúzet maqsatynda satyp alǵan», - dedi qalalyq ІІD ákimshilik polıtsııa basqarmasynyń basshysy Jandos Muratalıev.
Onyń aıtýynsha, Almatyda jyl basynan beri 37 qarý satylyp alyndy. Bul maqsatta bıýdjetten 7 mln 115 myń teńge bólingen.
Aktsııa bastalǵaly beri ІІD barlyq bólimsheleri halyq arasynda túsindirý jumystary júrgizilip keledi.
