Almatylyq jedel járdem dárigerleri men feldsherler halyqaralyq baıqaýdyń jeńimpazdary atandy
ALMATY. 12 qyrkúıek. QazAqparat - Jedel medıtsınalyq qyzmet kórsetý boıynsha Lıtvanyń Kaýnas qalasynda 5-7 qyrkúıek kúnderi ótken
VI Halyqaralyq jarysta Almaty qalasynyń jedel medıtsınalyq kómek stansysynyń dárigerleri men feldsherleri birinshi oryn aldy. Bul básekege qazaqstandyqtar bıyl tuńǵysh ret qatysyp otyrǵanyna qaramastan, Latvııa, Estonııa, Ýkraına, Lıtva elderindegi áriptesterinen basym tústi. Baıqaýǵa 5 memleketten 28 komanda qatysqan bolatyn. Onda Qazaqstan namysyn Almaty qalasynan 2 komanda qorǵady. Jeti kezeńnen turatyn bul saıysta almatylyqtar eń úzdik dep tanyldy.
