Almatylyq jazǵy kınoteatr kórermenderi aldynda súıiktisine usynys jasady

Botanıkalyq baq ishinde ornalasqan kınoteatrǵa 700-ge jýyq adam kelgen. Alǵashqy fılm «Ne kýsaı sebe gýby» bitken soń Sáken Joldasovtyń «On ı ona» týyndysy bastalýy kerek bolatyn.

Sol kezde sahnaǵa Dımash Nurseıitov shyǵyp óziniń súıiktisi Ásem týraly aıta jóneledi. Monolog kezinde ekrannan Ásem ekeýiniń sýretteri kórsetiledi.

Jastardy qoldaýǵa kelgen dostary shar jiberip, qoshemet bildire bastady.

Boıjetken bolsa, súıiktisine turmysqa shyǵýǵa kelisimin berdi.

«Kınoteatr ashylǵan soń uıymdastyrýshylarǵa Dımash kelip óziniń buıymtaıyn aıtty. Soǵan qaraı jospar qurdyq. Mahabbatqa toly atmosfera týdyrý úshin romantıkalyq kınolardy qoıamyz dep sheshtik. Dımash úshin qatty alańdadym. Sebebi meniń ómirimde bir ret  betim qaıtqan», - dedi jazǵy kınoteatr uıymdastyrýshylarynyń biri Ánýar Kenjebaev Feısbýktegi paraqshasynda.

Aıta ketý kerek, jazǵy teatr Almatyda 2015 jyldan beri jumys jasap keledi. Ár demalysta munda otandyq fılmder tegin kórsetiledi.