Almatylyq jastar kontsertte bas qosty
ALMATY. QazAqparat - Almatyda Respýblıka saraıynda Astananyń ataýynyń Nur-Sultan bolyp ózgerýin qoldaý úshin arnaıy kontsert ótti, dep habarlaıdy QazAqparat tilshisi.
«Bizdiń kóshbasshymyz Nursultan Nazarbaev álemdi kórýge, armandaýǵa, jetistikke jetýge múmkindik berdi. Ol únemi jastarǵa baǵyt-baǵdar berip keledi. Biz ol kisimen birge júrip adaspaı jol taýyp kelemiz. Maǵan Elbasymen kezdesý baqyty buıyrdy. Meniń zamandastarym da osy dáýirdiń kýási boldy. Endi ár otandasymyz sol dáýirdi Nur-Sultan qalasynan kóre alatyn bolady. Meniń otanym - Qazaqstan, astanam - Nur-Sultan», - dedi «G-38» qozǵalysynyń ókili Aısulý Ernııazova.
Respýblıka alańy mańyna búgin jastar, qala qonaqtary jınaldy.
«Men Qazaqstanda turatynym úshin baqyttymyn. Men óz Otanymda oqımyn, eńbek etemin, el damýyna úles qosamyn. Bizder tarıhı oqıǵanyń kýási bolyp otyrmyz. Astanamyzǵa Nursultan Nazarbaevtyń aty berilip jatyr. Bul - Elbasymyzdyń eńbegi men qosqan úlesine kórsetilgen qurmet», - deıdi «Vaınah» sheshen birlestiginiń ókilderi.
Aıta keteıik, 23 naýryzda prezıdent Qasym-Jomart Toqaev Astana qalasynyń ataýyn Nur-Sultan qalasy dep ózgerý týraly jarlyqqa qol qoıdy.
