Almatylyq jastar bolashaqqa nyq senimmen qaraıdy
ALMATY. 16 aqpan. QazAqparat - Jastar el birligin basty baılyq dep sanaıdy. Bul týraly búgin Almatyda ótken «Jastar bolashaqqa nyq senimmen!» dep atalatyn alqaly jıynda aıtyldy.
QR Prezıdenti Nursultan Nazarbaevtyń «Áleýmettik-ekonomıkalyq jańǵyrý - Qazaqstan damýynyń basty baǵyty» dep atalatyn Joldaýyn nasıhattaý maqsatyndaǵy bul sharany «Jas Otan» jastar qanaty men «Zańǵar» shyǵarmashylyq birlestigi birlesip uıymdastyrdy. Qalalyq oqýshylar saraıynda bolǵan májiliske 700-ge jýyq belsendi mektep oqýshylary men ustazdar qatysyp, Joldaýdyń basty baǵyttary týraly pikir almasyp, óz oılaryn ortaǵa saldy.
«Memleket tarapynan otandyq mádenıetti damytýdaǵy úlken úlesteri úshin QR Prezıdentiniń jastarǵa arnaıy taǵaıyndalǵan memlekettik stıpendııasy jastarǵa degen nyq senimdi aıqyndatady. Mádenıettegi, sonyń ishindegi 18 jańa teatrdyń, 220-dan astam murajaı jáne 870-ten asa jańa kitaphananyń ashylýy, otandyq kınoǵa bólinip jatqan jáne óndirilip otyrǵan qarajat, bári de oń nátıjesin kórsetýde», - dedi «Zańǵar» shyǵarmashylyq birlestiginiń tóraıymy, T.Júrgenov atyndaǵy Qazaq ulttyq óner akademııasynyń stýdenti Gúlbaǵda Kóbeeva. Al «Qazaqstan» Ulttyq telearnasynyń «Jan jylýy» baǵdarlamasynyń júrgizýshisi Aqbaıan Saparbaeva Jambyl oblysyna qarasty Sarykemer aýylynda turatyn Bısalıevter otbasyn mysalǵa keltirip, bul Joldaýdaǵy áleýmettik salaǵa basty nazarǵa aýdarylǵanyn erekshe atap ótti.
