Almatylyq jastar blokbekette turǵan barlyq qyzmetkerlerge dastarhan jaıdy
Jastar birneshe baqylaý-ótkizý beketterin aralap, Naýryz merekesine oraı polıtsııa, áskerı qyzmetkerleri men dárigerlerge merekelik dastarhan jaıdy. Osylaısha olar janqııarlyq jáne qajyrly eńbekteri úshin rızashylyqtaryn bildirdi.
«Qazir bizdiń elimiz, búkil álem sııaqty, qıyn kezeńdi bastan ótkerip jatyr. Koronovırýs árqaısysymyzdy ózara kómek, túsinistik, meıirimdilik, senim jáne paryz sııaqty qarapaıym adamı qasıetterge synap jatyr. Óz mindetterin atqarý barysynda bizdiń polıtseıler, Ulttyq ulan sarbazdary, dárigerler, eriktiler ózderiniń densaýlyǵyna jáne otbasylarynyń densaýlyǵyna qaýip tóndiredi. Biz baýyrlarymyzben birge osy ýaqytqa deıin bizdi qorǵap kele jatqan azamattarǵa qoldaý kórsetýimiz kerek dep sheshtik», – dedi almatylyq Marlen Erlanuly.
Aktsııany uıymdastyrýshylar bul bir rettik shara emes ekenin jáne turaqty túrde ótkiziletinin aıtty. Buǵan deıin, olar 200-ge jýyq adamdy tamaqtandyrdy.
«Almaty polıtsııasynyń basshylyǵy men jeke quramnyń atynan men qonaqtarǵa olardyń janashyrlyǵy jáne izgilik qasıetteri úshin erekshe alǵys aıtamyn», – dedi Almaty qalalyq PD basshysynyń birinshi orynbasary Nurlan Almasbekov.
