Almatylyq jasóspirimder sý dobynan el chempıonatynda kósh bastap kele jatyr
ASTANA. 19 jeltoqsan. QazAqparat - Keshe Astanadaǵy «Qazaqstan» sport saraıynda sý dobynan jasóspirimder arasynda el chempıonatynyń 2-shi týry óz máresine jetti.
Onda 1998 jáne odan tómen jastaǵy qyzdar arasynda 3 komanda birdeı 12 upaı jınap, jeńimpaz qarsylastar qaqpasyna soqqan jáne óz qaqpasyna jiberip alǵan dop sanyna qaraı anyqtaldy. Bul biliktilikte Taraz qalasyndaǵy №4 sport mektebiniń baǵy janyp, Almaty qalasyndaǵy №4 sport mektebi men «Astana» sý doby sport klýby 2-3 oryndy ıelenip, qaraǵandylyqtar men Jambyl oblysynyń komandalary 4-5 oryndy bólisti. Sonyń nátıjesinde 2 týrdyń qorytyndysy boıynsha almatylyqtar birinshi, jambyldyqtar ekinshi, astanalyqtar úshinshi oryn orynda kele jatyr.
Al 1996 jylǵy jasóspirimder arasynda bul joly Jambyl oblysynyń komandasy úzdik shyqty. Al Astana men Almaty qalalarynyń komandalary 2-3 oryn aldy. Jambyldyqtar bul týrdyń qorytyndysy boıynsha óz tobynda týrnır kestesinde kósh bastaýda.
