Almatylyq jas fýtbolshylar Túrkııadaǵy týrnırde máskeýlik qurdastaryn utty
ALMATY. 28 naýryz. QazAqparat - Túrkııanyń Alanııa qalasynda Balalar fýtbol lıgasy - "EVIMA CUP 2012"-niń "Túrik demalysy" atty halyqaralyq týrnıri ótip jatyr.
Tórt jas dárejesi boıynsha uıymdastyrylǵan dúbirli dodaǵa álemniń birqatar elderinen 30 komanda qatysýda. Onda 2000 jyly týǵan balalar arasynda el namysyn Almaty qalasynyń "Qaırat-2000» komandasy qorǵaýda. Jarys 31 naýryzǵa deıin sozylmaq.
Almatylyq aıaqdopshylar Reseıdiń Máskeý qalasynyń «Chertanova», «Torpedo-FShM», Orehova-Zýeva qalasynyń «Znamıa trýda» jáne Túrkııanyń Alanııa qalasynyń «Alanıaspor» men Avsallar qalasynyń «Avsallar» komandasymen kúsh synasatyn bolady. Olar keshe «Torpedo FShM» komandasymen bolǵan oıynda qarsylastaryn 3:1 esebimen utty. Kelesi kezdesýin búgin «Avsallarmen» ótkizbek.
