Almatylyq jas fýtbolshylar Túrkııadaǵy halyqaralyq týrnırdiń júldegeri atandy
ALMATY. 3 sáýir. QazAqparat - Túrkııanyń Alanııa qalasynda 26-31 naýryz kúnderi fýtboldan balalar arasynda fýtboldan «Túrik kanıkýly» EVIMA CUP 2012. (U-12) halyqaralyq týrnıri ótti.
Onda 2000 jyly týylǵan aıaqdopshylar arasynda el namysyn qorǵaǵan Almatynyń «Qaırat-2000» komandasy kúmis júldeger atandy. Olar alǵashqy 4 machta Túrkııanyń Alanııa qalasynyń «Alıanıaspor» jáne Reseıdiń Orehovo-Zýaev qalasynyń «Znamıa Trýda» komandalaryn 3:0, Túrkııanyń Avsallar qalasynyń («Avsallar») fýtbolshylaryn 2:1, al Reseıdiń Máskeý qalasynyń «Torpedo-FSHM» aıaqdopshylaryn 3:1 esebimen utqan bolatyn. Birinshi orynnyń taǵdyry Máskeýdiń «Chertanova» komandasymen bolǵan aqtyq oıynda sheshildi. Onda reseılikterdiń ekinshi komandasy 5:0 esebimen basym túsip, 15 upaımen týrnır jeńimpazy atandy. 12 upaı jınaǵan «qaırattyqtar» kúmis, qorjynynda 9 upaıy bar «torpedalyqtar» qola júldeni ıelendi. Al 6 upaımen «avsallarldyqtar» tórtinshi, 3 upaımen «Znamıa trýdalyqtar» besinshi oryn alsa, barlyq kezdesýde tehnıkalyq jeńilis alǵan «alanııalyqtar» birde-bir upaı ala almady.
