Almatylyq jas ánshi Ispanııadaǵy halyqaralyq baıqaýda jeńimpaz atandy
ASTANA. QazAqparat - 13 jasar almatylyq Dana Álı Ispanııadaǵy Voices of Costa Brava halyqaralyq baıqaýynda Gran-prı syılyǵyna ıe boldy, dep jazady «Ekspress K» gazeti. «Djaz vokaly» atalymynda Danaǵa teń keler ánshi bolmaǵan.
Baıqaýdyń sońǵy saıysy 8 qańtarda ótti. Jas ánshimiz Gran-prıden bólek «Estradalyq vokal» atalymynda birinshi orynǵa ıe boldy. Baıqaýda Dana Krıstına Agıleranyń «Something's got a hold on me», sonymen birge Chak Djekson men Marvın ıAnsıdiń «This will be» kompozıtsııasyn oryndady. Aıta ketý kerek, Dana Dıana Sharapovanyń vokal mektebiniń oqýshysy.
Dıana Sharapovanyń sózine qaraǵanda, onyń mektebindegi jumys eýropalyq ádiske negizdelgen - adamdar aldymen án salýǵa mashyqtanady, sodan keıin teorııaǵa kóshedi.
- Vokaldy shynaıy súıetin adam Vahrameevtiń teorııasyn da, Dýbovskııdiń garmonııasyn da tez uǵady degen senimdemin. Bastysy tálimger boıynan án aıtýǵa degen súıispenshilikti, qyzyǵýshylyqty oıatý, - dedi jas ánshi. 
