Almatylyq jaǵajaı voleıbolshylary Qazaqstan chempıony atandy
ASTANA. QazAqparat - Almatyda jaǵajaı voleıbolynan XXII el chempıonaty aıaqtaldy, dep habarlaıdy qalalyq aqparattyq jáne sporttyq HAB.
Jarys úsh kún boıy Gandı atyndaǵy saıabaqta jańadan ashylǵan jaǵajaı voleıboly ortalyǵynda ótkizildi. Oǵan Almaty, Taldyqorǵan jáne Aqtaý qalalarynan kelgen 16 erler jáne 9 áıelder komandalary qatysty.
Erler arasyndaǵy jarysta eń áserli bolǵan «Býrevestnık-2» (Almaty) men «Kaspıı» (Aqtaý) jartylaı fınaldyq kezdesýi. Eki ujymda óte keremet oıyn kórsetip, nátıjesinde almatylyqtar jeńiske jetti.
Bul jarysta erler arasynda úshinshi orynǵa «Kaspıı» voleıbolshylary Alekseı Kýleshov pen Aleksandr Babıchev juby jaıǵasty. Ekinshi orynda almatylyq «Býrevestnık-2» oıynshylary Dmıtrıı ıAkovlev pen Sergeı Bogatý bolsa, jeńimpaz bolyp «Býrevestnık-1» sportshylary Alekseı Sıdorenko men Aleksandr Dıachenko atandy. Olar osylaısha taǵy bir márte Qazaqstan chempıondary ataǵyn qorǵap qaldy.
Al, áıelder arasyndaǵy básekelestikte ekinshi jáne úshinshi oryndarǵa úsh komanda baq synasty: Bahtygúl Samalıkova men Anastasııa Ýkolova (PVK «Kaspıı»), sondaı-aq «Almaty» komandasynyń eki juby - Tańsulý Qaıyrbekova men Madına Óteýlına jáne Alına Rachenko men Elızaveta Eropkına. Jerebeniń qorytyndysy boıynsha alǵashqy jartylaı fınalda birinshi almatylyq jup pen aqtaýlyqtar kezdesti, al, ekinshi almatylyq jupqa Taldyqorǵannyń «Jetisý» oıynshylary Tatıana Mashkova men Irına Tsımbalova qarsylas boldy.
Oıynnyń 1/4 fınalynda Óteýlına tobyǵyn jaraqattap alǵan bolatyn, alaıda, ol oǵan fınaldyq kezdesýge shyǵýǵa esh kedergi keltirmedi. Ókinishke qaraı, olar aqtyq synǵa joldama ala almady. «Kaspıı» voleıbolshylary fınalada «Jetisý» komandasymen kezdesti. Qarymta ótken oıynda Mashkova men Tsımbalova 18-jasar Eropkına men Rachenkony qıyndyqsyz utty. Qola júlde úshin ótken kezdesýde tájirıbeli oıynshylar Qaıyrbekova men Óteýlına ózderiniń jas qarsylastaryn jeńdi.
Nátıjesi:
7-9 qyrkúıek
Áıelder
1. Tatıana Mashkova, Irına Tsımbalova - «Jetisý» VK (Taldyqorǵan)
2. Bahtygúl Samalıkova, Anastasııa Ýkolova - PVK «Kaspıı» (Aqtaý)
3. Tańsulý Qaıyrbekova, Madına Óteýlına - «Almaty» VK (Almaty)
Erler
1. Aleksandr Dıachenko, Alekseı Sıdorenko - «Býrevestnık-1» (Almaty)
2. Dmıtrıı ıAkovlev, Sergeı Bogatý - «Býrevestnık-2» (Almaty)
3. Aleksandr Babıchev, Alekseı Kýleshov - «Kaspıı» (Aqtaý)
Foto: prosports.kz
