Almatylyq zeınetkerler óz buıymdaryn ınternet-dúken arqyly saýdalaýda

«S lıýbovıý v kajdoı petelke» áleýmettik jobasy ótken jyly iske qosylǵan. Asıa Týllesova, sýretshi Elena Pozdnıakova, arhıtektor Aııa Jalǵabaeva jáne Adısa Kın esimdi qalanyń jas belsendileri almatylyq zeınetkerlerge kómek qolyn sozdy. Belsendiler qarttar kóshe kezip, bazar aralap júrmesin dep, olarǵa arnaıy ınternet-dúken ashyp berdi. Qarttardyń óndirgen dúnıelerin satyp alýshyǵa jetkizý, osy isti uıymdastyrýshylardyń moınynda. Jobaǵa jıyrmaǵa jýyq qart tartylǵan. Olardyń buıymdarynyń barlyǵy óz qoldarymen daıyndalǵan. Bqıymdardyń ishinde keramıkalyq ydys-aıaq, sándi etip tigilgen kıimder, erekshe aınalar, juqa kıizden ásem etip jasalǵan bas kıimder, aǵashtan daıyndalǵan buıymdar, gerbarııden jasalǵan kartınalar jáne men ózge de kóptegen zattar bar.
  

Zeınetker Sanııa Pozdnıakova saıtqa óziniń túrli-tústi kilemderin saýdaǵa qoıdy.

«Bul jobaǵa qyzymnyń arqasynda keldim. Ol óz buıymdarymdy ınternet arqyly kórsetýge bolatynyn aıtty. Men materıaldardy túrli faktýralar men gúlderden jınap, úı kilemderin jasap shyǵamyn. Tósenishterime tapsyrys túse bastaǵanda tań qaldym. Eńbegimnen lázzat alamyn», - dedi zeınetker.

Zamanaýı, belsendi zeınetker-kásipkerler toptyń ishinde jalǵyz qarta ata - Anatolıı Vladımırovıch. Ol 1946 jyly Ýkraına KSRO-nyń Herson qalasynda týǵan, biraq Qazaqstanda ósken. Mektep jasynda radıotehnıkamen aınalysyp, keme soǵyp, kólik qurastyrǵan. Keıin aǵash óńdeý jumysymen aınalysyp, jıhaz, kúrke jasaıtyn bolǵan. Onyń eńbekteri almatylyqtar arasynda keńinen tanymal.

              

Buıym satylymynan túsken tabysty eriktiler tolyǵymen zeınetkerlerge beredi jáne olarǵa tegin kómektesedi.