Almatylyq volonterler soǵys ardagerlerine arnalǵan qaıyrymdylyq marafonyn bastady
Almaty memlekettik jańa tehnologııalar kolledjiniń «Dostyq alańy» eriktiler klýby ekinshi jyl qatyrynan «Meıirimdi ister» marafony aıasynda qaıyrymdylyq sharasyn uıymdastyryp jatyr.
Klýb eriktileri men pedagogtary alǵashqy bolyp soǵys jyldary tylda eńbek etken Batıha Qupııarova, Ǵazız Bekmuhamedov pen Elena Mınıbaevany quttyqtady.
«Biz ardagerlerimizge qaryzdarmyz. Sondyqtan olarǵa qamqorlyq jasaýymyz kerek. Olardyń ómirin jeńildetýge, kúndelikti qajettilikterin alyp berý qıyn sharýa emes. Bizdiń ardagerler bárine úlgi bolyp qala beredi. Jyl saın ardagerlerdiń qatary sırep barady. Sondyqtan qaıyrymdylyq aktsııalar, is-sharalar men marafondar ardagerlerge yqylas pen qamqorlyq belgilerin kórsetýge múmkindik beredi. Bizge beıbit ómir syılaǵan adamdardy umytpaýymyz kerek «, - dedi Almaty memlekettik jańa tehnologııalar kolledji dırektorynyń tárbıe isi jónindegi orynbasary Gúlhan Jumaǵulova.
