Almatylyq volonterler qala turǵyndaryn Táýelsizdik kúnimen quttyqtady

ALMATY. QazAqparat - «Qazaqstannyń eriktiler lıgasy» QQ Almaty qalasy fılıalynyń jetekshisi Baǵdat Anarbaeva volonterlerdiń atynan shahar turǵyndaryn Táýelsizdik kúnimen quttyqtady, dep habarlaıdy QazAqparat tilshisi.

«Táýelsizdik kúni - el turǵyndaryn biriktiretin, qazaqstandyqtar úshin óte mańyzdy mereke. Osyndaı erekshe máni bar, ári mańyzdy kúnde biz tarıhymyzǵa qurmetpen qarap, Táýelsizdiktiń bizge qalaı jetkenin eske alamyz. Qazir bizdegi bardyń bári úshin memleketke alǵysymyzdy aıtamyz. Men osyndaı beıbit zamanda týyp, ómir súrip jatqanym úshin baqyttymyn. Men táýelsiz memlekette ómir súrip jatyrmyn. Barlyq azamattardy shyn júrekten osy merekemen quttyqtap, bizge osyndaı jaǵdaı jasap otyrǵan memleketimizge alǵys aıtqym keledi. Elimiz gúldene bersin, aspanymyz ashyq bolsyn jáne árbir qazaqstandyqqa baqyt tileımin», - deıdi ol.

Volonter jyly aıasynda Almatyda 78 is-sharanyń jospary bekitildi.

Onyń ishinde 700 myńnan astam adamdy qamtıtyn 12 serpindi joba bar.

Barlyq jobalar men is-sharalar Memleket basshysy belgilegen mindetterge sáıkes ázirlenip, úılestirildi.