Almatylyq voleıbolshylar Ulttyq lıgadaǵy erler komandalary arasynda kósh bastap kele jatyr
ALMATY. 6 sáýir. QazAqparat /Erlik Erjanuly/ - 31 naýryz ben 5 sáýir aralyǵynda Óskemende voleıboldan Ulttyq lıgadaǵy erler komandalary arasynda HІH Qazaqstan chempıonatynyń 5-týry ótti.
Onda barlyq kezdesýin jeńispen aıaqtaǵan «Almaty» klýby 47 upaımen týrnır kestesindegi kóshbasshylyq ornyn saqtap qaldy. Al jeńimpazǵa 3:2 esebimen ese jibergen Hromtaýdyń «TNK Qazhromy» 44 upaımen ekinshi oryn aldy. Úzdik úshtikti 39 upaımen jarys qojaıyndary «Shyǵys-QorǵasynQurylys» voleıbolshylary túıindedi. Odan 6 upaıy kem atyraýlyqtar 4-shi oryn alsa, qorjyndarynda 31 upaılary bar Qyzyljardyń «Esili» men Oraldyń «Kondensaty» 5-6 oryndy bólisti. El chempıonatynyń aqtyq týry endi 26 sáýir men 1 mamyr aralyǵynda Taldyqorǵanda ótedi.
