"Almatylyq" voleıbolshylar Ulttyq lıgadaǵy erler komandalary arasynda Qazaqstan chempıonatynyń 4-shi týr oıyndarynda jeńilissiz kele jatyr
ALMATY. Aqpannyń 13-i. QazAqparat /Erlik Erjanuly/ - Voleıboldan Atyraýda ótip jatqan Ulttyq lıgadaǵy erler komandalary arasyndaǵy Qazaqstan chempıonatynyń 4-shi týr oıyndarynda "Almaty" komandasy týrnır kestesinde kósh bastap kele jatyr,
dep habarlaıdy QazAqpart.
Aqpannyń 9-ynda bastalǵan 4-shi týrdyń bul oıyndary aldaǵy seısenbide aıaqtalady. Onda Almatynyń "Almaty" komandasy 4 kezdesýde de mereıi ústem boldy. Olar kelesi kezdesýin erteń Oral qalasynyń "Kondensatymen" ótkizedi. Odan keıingi oıyn Petropavldyń "Esil" jáne Almatynyń "TsSKA-Almaty" voleıbolshylarymen bolady. Qańtardyń 18-inde Petropavlda aıaqtalǵan 3-shi týrdyń qorytyndysynda týrnır kestesinde "Almaty" - birinshi, "Qazhrom" (Hromtaý) - ekinshi, "Atyraý" úshinshi oryn alǵan bolatyn. "Almatylyqtar" endi aldaǵy 3 kezdesýdi sátti ótkizse, 4-shi týrdyń qorytyndysynda kóshbasshylyǵyn saqtap qalýyna tolyq múmkindigi bar.
