Almatylyq voleıbolshylar Ulttyq lıgadaǵy erler komandalary arasynda qarsylastaryn shaq keltirmeýde
ALMATY. 9 jeltoqsan. QazAqparat /Erlik Erjanuly/ - Qyzyljarda voleıboldan Ulttyq lıgadaǵy erler komandalary arasynda ótip jatqan HH Qazaqstan chempıonatyndaǵy 2-týrynda «Almaty» sportshylary týrnır kestesindegi kóshbasshylyqty eshkimge berer emes.
Olar alǵashqy 3 kezdesýde «Shyǵys-QorǵasynQurylys» pen Hromtaýdyń «TNK «Qazhrom» komandalaryn 3:0, al Oraldyń «Kondensatyn» 31 esebimen utyp, upaı qoryn barynsha ulǵaıtýǵa qol jetkizdi. Erteń endi barlyq sportshylar jarysty qaıta jalǵastyrady. Sońǵy 2 kezdesýin almatylyqtar «Atyraý» men «Esil» (Qyzyljar) komandalarymen ótkizedi. Buǵan deıin 4-9 qarasha kúni Almatyda ótken 1-týrda olar qos qarsylasyn da 3:0 esebimen oısyrata jeńgen edi. Al óz alańyndaǵy bul saıysta olar múmkin bolǵan 15 upaıdy tolyq ıelenip, týrnır kestesinde 1-oryn alǵan bolatyn. Onda hromtaýlyqtar men óskemendikter - 9, atyraýlyqtar men qyzyljarlyqtar - 6 upaıdan jınasa, oraldyqtardyń qorjyny bos qaıtqan. Olar 2-týrda da alǵashqy 3 oıynda birde-bir upaıǵa qol jetkize almady.
