Almatylyq voleıbolshylar Ulttyq lıgadaǵy erler komandalary arasynda HІH Qazaqstan chempıonatyn sátti bastady
ALMATY. 20 jeltoqsan. QazAqparat /Erlik Erjanuly/ - Hromtaýda voleıboldan Ulttyq lıgadaǵy erler komandalary arasynda HІH Qazaqstan chempıonatynyń 1-týry bastaldy.
Almaty («Almaty») men Qyzyljar («Esil») qalalarynyń komandalary arasyndaǵy oıynmen ashylǵan el birinshiligi almatylyqtardyń 3:2 esebimen (25-18, 19-25, 20-25, 25-19, 15-10) jeńisimen aıaqtaldy. Atyraýlyq («Atyraý») voleıbolshylar óskemendik («ShyǵysQorǵasynQurylys») qurdastaryna 0:3 esebimen oısyraı utyldy (16-25, 21-25, 21-25). Mundaı esep jarys qojaıyndary «TNK Qazhrom» komandasy men Oraldyń «Kondensat» komandalary arpasyndaǵy kezdesýde tirkeldi. Onda hromtaýlyqtar qonaqtardan 3:0 (25-21, 25-20, 25-23) esebimen basym tústi.
Búgin endi «ShyǵysQorǵasynQurylys» pen «Kondensat», «Atyraý» men «Almaty», «TNK Qazhrom» men «Esil» kezdesedi. 19 jeltoqsanda jalaýy kóterilgen bul saıys 24 jeltoqsanǵa deıin sozylady.
