Almatylyq voleıbolshylar Qytaıdaǵy halyqaralyq týrnırge qatysady
ALMATY. 12 shilde. QazAqparat /Erlik Erjanuly/ - Shildeniń 13-20 kúnderi Qytaıdyń Taısang, Djeng Djang qalalarynda voleıboldan erler komandalary arasynda halyqaralyq týrnır bolady. Onda el namysyn «Almaty» voleıbol klýby qorǵaıdy.
Bul dúbirli dodaǵa jarys qojaıyndary men Avstralııa jáne Iran ulttyq quramalaryn qospaq. Týrnırdiń alǵashqy aınalymy Taısang qalasynda, al ekinish aınalymy Djeng Djang qalasynda ótetin bolady.
QR Voleıbol federatsııasynyń baspasóz qyzmeti taratqan habarlamaǵa qaraǵandy almatylyqtar bul jarystan keıin shildeniń 20-sy kúni Indonezııanyń Palembang qalasyna attanbaq. Onda 23-31 shilde kúnderi erler klýbtary avrasynda Azııa chempıonaty ótedi. Oǵan qurlyqtyń úzdik 12 klýby qatyspaq. Qazaqstandyq komanda Iran, Katar, Túrikmenstan jáne Mıanmy chempıondarymen bir topta óner kórsetetin bolady. Olardyń ishinde ótken jylǵy klýbtyq Azııa chempıonatynyń jeńimpazy men kúmis júldegeri bolǵan Iran men Katar sportshylary bar.
