Almatylyq voleıbolshylar klýbtyq Azııa chempıonatynyń irikteý kezeńinde óz tobynda úshinshi oryn aldy
ALMATY. Maýsymnyń 10-y. QazAqparat /Erlik Erjanuly/ - Qytaıdyń Djındjang qalasynda ótip jatqan klýbtyq Azııa chempıonatynda el namysyn qorǵap jatqan "Almaty" voleıbol klýby shırek fınalǵa ótti,
dep habarlaıdy QazAqparat QR Voleıbol federatsııasyna silteme jasap.
Maýsymnyń 5-i kúni bastalǵan bul dúbirli doda jeksenbi kúni aıaqtalady. Ulttyq lıga komandalary arasynda XVIII Qazaqstan chempıonatynyń jeńimpazy atanǵan "Almaty" voleıbol klýby irikteý kezeńinde "A" tobynda úshinshi oryn aldy. Olar japondyq jáne qytaılyq qurdastaryna 3:0, 3:2 esebimen utylyp, Vetnam men Indonezııa sportshylarynan 3:1, 3:0 esebimen basym tústi. Endi olar 1-8 oryndar úshin shırek fınalda erteń Katardyń «Ál-Arabı» komandasymen kezdesetin bolady. Katarlyqtar irikteý kezeńinde Ózbekstan (3:0) men Taıland voleıbolshylarynan (3:2) basym túsken bolatyn.
