Almatylyq voleıbolshylar klýbtyq Azııa chempıonatyna qatysý úshin Shanhaıǵa attanyp ketti

 30 maýsymda bastalatyn bul dúbirli dodada Bas bapker Gennadıı Parshınniń shákirtteri irikteý synynda «S» tobynda Indonezııa, Úndistan, Kýveıt sportshylarymen kúsh synasady. Onda el namysyn almatylyqtardan -    Áset Bazarqulov,  Nodırhan Kadırhanov, Dmıtrıı Gorbatkov, Anton ıÝdın, Vıtalıı Mıronenko,  Aleksandr Stolnıkov,  Vıtalıı Erdshteın, Oleg Verıgın, Sergeı Kýznetsov jáne atyraýlyq  Narıman Súleımenov, hromtaýlyq   Tasqyn Sharıpov («TNK Qazhrom»), oraldyq Vıtalıı Vorıvodın(«Kondensat») qorǵaıdy.

17 eldiń ulttyq birinshilikteriniń jeńimpazdary qatysatyn Azııa chempıonatynyń aqtyq syny 8 shilde kúni ótedi. Almatylyq voleıbolshylar byltyr Indonezııada ótken jarysta 2006 jyldan beri chempıondyq ataqty eshkimge bermeı kele jatqan Irannyń «Paıkan» komandasyna ǵana utylǵan bolatyn. Jalpy klýbtyq Azııa chempıonatynda qazaqstandyq komandalar arasynan  tek 2005 jylǵy Pákistanda «Rahat-TsSKA» ǵana chempıondyq ataqqa qol jetkizgen bolatyn. Odan keıin 2008 jyly Qazaqstanda, al byltyr Indonezııada «Almaty» voleıbol klýby kúmis júldeger atanǵan edi.