Almatylyq voleıbolshylar Azııa chempıonatyna qatysady
ALMATY. 5 sáýir. QazAqparat - Almatyda 28 naýryz ben 4 sáýir aralyǵynda voleıboldan erler arasynda Ulttyq lıgadaǵy HHІ Qazaqstan chempıonatynyń aqtyq 5-shi týr oıyndary ótti.
Bul jarysta qatarynan 6-shy ret jeńimpaz atanǵan «Almaty» komandasy endi 21-28 sáýirde Irannyń Tegeran qalasynda ótetin klýbtyq Azııa chempıonatynda el namysyn qorǵaıtyn boldy.
11 qarashada bastalǵan el chempıonatynda 7 komanda arasynda 105 match ótkizilgen bolatyn. Onda 30 oıynda «almatylyqtar» - 67, hromtaýlyqtar («TNK Qazhrom») - 61, oraldyqtar («Kondensat») - 58, «pavlodarlyqtar» - 46, «atyraýlyqtar» - 42, «qyzyljarlyqtar («Esil») - 21, óskemendikter («Shyǵys-QorǵasynQurylys») 20 upaı jınady. Al maýsymnyń qorytyndysy boıynsha atyraýlyq Qaırat Baıbek «úzdik lıbero», Narıman Áýbákirov pen pavlodarlyq Sergeı Trotskıı «úzdik ortalyq tosqaýylshy», hromtaýlyq Alekseı Romanko «eń baǵaly oıynshy», almatylyq Alekseı Gýtor men oraldyq Vıtalıı Vorıvodın «úzdik shabýylshy», oraldyq Sergeı Şavınskıı «úzdik baılanystyrýshy» dep tanyldy.
Jalpy bıylǵy el chempıonatynda 11-18 qarashada Hromtaýda ótken 1-shi týrda «Almaty» men «Atyraý», 8-15 jeltoqsanda Pavlodarda bolǵan 2-shi týrda «Kondensat» pen «Almaty» jeńimpaz atanǵan edi. 18-15 aqpanda Óskemendegi 3-shi týrda «TNK Qazhrom» dara shyqsa, 6-13 naýryzda Atyraýdaǵy 4-shi týrda «Almaty» men «TNK Qazhrom» qatar kelip, al Almatydaǵy aqtyq týrda «Kondensat» úzdik atandy.
