Almatylyq voleıbolshy jigitter Ulttyq lıgadaǵy HH el chempıonatynda da kósh bastady
ALMATY. 9 qarasha. QazAqparat /Erlik Erjanuly/ - Búgin Almatyda voleıboldan Ulttyq lıgadaǵy erler komandalary arasynda HH Qazaqstan chempıonatynyń 1-týrynyń aqtyq oıyndary ótedi.
Alǵashqy 4 kezdesýdiń qorytyndysy boıynsha qazir jarys qojaıyndary ǵana jeńilissiz kele jatyr. Olar «Atyraý», «Shyǵys-QorǵasynQurylys» (Óskemen), «Esil» (Qyzyljar) voleıbolshylaryn 3:0, «TNK «Qazhrom» (Hromtaý) sportshylaryn 3:1 esebimen oısyra utty. Endi sońǵy kezdesýin jeńilisten kóz ashpaı kele jatqan Oraldyń «Kondensat» komandasymen ótkizedi. Oraldyqtar keshe qyzyljarlyqtarǵa 1:3 ese jibergen edi. 1-týrdyń sońǵy oıynyn endi óskemendikter qyzyljarlyq, al atyraýlyqtar hromtaýlyq qurdastarymen ótkizgeli otyr.
