Almatylyq voleıbolshy jigitter Ulttyq lıgada chempıondyq ataqqa merziminen buryn qol jetkizdi
ALMATY. 3 sáýir. QazAqparat - «Almaty» voleıbol klýby erler arasynda Ulttyq lıgada osymen qatarynan altynshy ret el chempıony atanǵaly otyr.
28 naýryzda bastalǵan 5-týrda merziminen buryn jeńimpaz atanǵan olar qazir týrnır kestesinde 28 kezdesýden keıin 64 upaımen barlyq qarsylastaryn shań qaptyryp kele jatyr. Hromtaýlyqtarda («TNK Qazhrom») - 57, oraldyqtarda («Kondensat») - 53, «pavlodarlyqtarda» (1 oıyny artyq) - 46, «atyraýlyqtarda» - 39, qyzyljarlyqtarda («Esil») - 20, óskemendikterde («Shyǵys-QorǵasynQurylys») 18 upaı ǵana bar.
Búgin Óskemen men Atyraý, Hromtaý men Qyzyljar, Almaty men Oral voleıbolshylary ózara kúsh synasady. Al erteń Qyzyljar men Óskemen, Oral men Hromtaý, Pavlodar men Almaty komandalary aqtyq oıyndaryn ótkizedi. «Shyǵys-QorǵasynQurylys» buǵan deıin «Atyraýdan» 2 ret basym túsip (3:2, 3:1), 2 ret oısyraı utylǵan (0:3) bolatyn. «TNK Qazhrom» bolsa qyzyljarlyqtardan 4 oıynda da mereıi ústem boldy. «Almaty» «Kondensattty» 3 ret utyp, 1 ret 2:3 esebimen jeńilistiń aşy dámin tatty. Al, «Esil» men «Shyǵys-QorǵasynQurylys» saıysynda qyzyljarlyqtar 4 kezdesýde de basym tústi. «Kondensat» men «TNK Qazhrom», «Pavlodar» men «Almaty» kezdesýinde oraldyqtar da, pavlodarlyqtar da 3 ret jeńilis taýyp, 1 ret ǵana 3:2 esebimen basym túsken edi.
