Almatylyq voleıbolshy jigitter klýbtyq Azııa chempıonatynyń jartylaı fınalynda óner kórsetýde
ALMATY. 7 shilde. QazAqparat - Búgin Qytaıdyń Shanhaı qalasynda voleıboldan erler arasynda XIII klýbtyq Azııa chempıonatynyń jartylaı fınaldyq oıyndary ótip jatyr.
Onda Gennadıı Parshın jattyqtyrǵan «Almaty» voleıbol klýby jarys qojaıyndarymen («Shanghai Tang Dynasty») baq synasa, ırandyqtar katarlyqtarmen jup quramaq. 30 maýsymda jalaýy kóterilgen bul dúbirli dodanyń aqtyq oıyny erteń ótedi. Іrikteý synynda «S» tobynda óner kórsetken qazaqstandyqtar Indonezııa men Úndistan sportshylaryn 3:1, al kýveıttikterdi 3:0 esebimen utyp óz tobynda úzdik shyqty. Shırek fınalda «A» tobynda ekinshi oryn alǵan Vetnamnyń «PTCS» komandasyn 3:0 oısyrata utqan edi.
