Almatylyq voleıbolshy jigitter klýbtyq Azııa chempıonatynyń 1/8 fınalyna shyǵýǵa múmkindik aldy
ALMATY. 3 shilde. QazAqparat - Qytaıdyń Shanhaı qalasynda ótip jatqan klýbtyq Azııa chempıonatynda «Almaty» voleıbol klýby «S» tobynda sátti óner kórsetýde. Olar 30 maýsymda ındonezııalyqtardy (25-22, 25-19, 24-26, 25-17),
al keshe úndistandyqtardy 3:1 (25-20, 23-25, 25-21, 25-19) esebimen utty. Erteń endi toptyq syndaǵy aqtyq oıynyn kýveıttiktermen ótkizedi. Olar ındonezııalyqtarǵa 1:3 (25-23, 18-25, 17-25, 13-25) esebimen utylǵan bolatyn. Endi almatylyq sportshylar bul oıynnyń qorytyndysyna qaramastan 1/8 fınalda óner kórsetetin bolady. Al bul synnan súrinbeı ótse, shırek, jartylaı jáne aqtyq saıysta baq synaıdy. Jeńimpaz komandanyń aty 8 shilde kúni belgili bolady.
