Almatylyq voleıbolshy jigitter klýbtyq Azııa chempıonatynda besinshi orynnan úmitti
ALMATY. 29 sáýir. QazAqparat - Keshe Tegeranda erler komandalary arasynda voleıboldan XIV Azııa chempıonatynyń jartylaı fınaldyq oıyndary ótti.
Onda el namysyn qorǵap jatqan "Almaty" komandasy ıraktyqtardan ("Gaz-Al-Janoob») 3:0 esebimen basym tústi. Endi Gennadıı Parshın jattyqtyratyn el chempıonaty úzdikteriniń aqtyq syndaǵy qarsylasy japondyqtar («Toyoda Gosei Trefuer») bolmaq. Eger bul synda jeńiske jetse, úzdik bestiktiń qataryna enýge múmkindik alady. Buǵan deıin toptyq syndaǵy oıynda olar japondyqtardy 3:0 esebimen oısyrata utqan bolatyn.
"D" tobynda top jarǵan almatylyqtar pleı-off kezeńinde ıraktyń "Gaz-Al-Janoob» komandasyn (3:2) súrindirip, katarlyqtardyń «Al-Rayyan» komandasynan (0:3) utylyp qalǵan edi. Odan keıin shırek fınalda Qytaıdyń «Lıaonın» komandasyna (1:3) ese jiberdi. Endi tek besinshi oryn úshin ǵana talasady. Al chempıondyq ataqty katarlyqtar men ırandyqtar («Kale Mazandarana»), qola júldeni qytaılyqtar men taıvandyqtar («Paýer Kompanı») ózara sarapqa salmaq.
