Almatylyq voleıbolshy jigitter klýbtyq Azııa chempıonatynda 5-oryn aldy
ALMATY. 30 sáýir. QazAqparat - Voleıboldan 21-29 sáýir kúnderi Irannyń Tegeran qalasynda erler komandalary arasyndaǵy XIV Azııa chempıonaty ótti.
13 eldiń chempıondary qatysqan bul jarysta Gennadıı Parshın jattyqtyratyn «almatylyqtar» úzdik bestiktiń qatarynan kórindi. Toptyq synda qarsylas shaq keltirmegen olardy 1/8 fınalda súrindirgen katarlyqtar («Al-Rayyan») kúmis júldeger atandy. Al shırek fınalda júldeli orynǵa talasý múmkindiginen aıyrǵan qytaılyqtar («Liaoning») 4-oryndy ıelendi.
Bul joly birde-bir oıynda jeńilis tappaǵan ırandyqtar («Kalleh») chempıondyq ataqty ıelenip, óz eliniń mártebesin toǵyzynshy ret álemge pash etti.Úzdik úshtikti taıbeıdiń«Taiwan Power» komandasy túıindedi.
