Almatylyq voleıbolshy jigitter el chempıonatynda jeńister serııasyn jalǵastyrýda
ALMATY. 14 aqpan. QazAqparat - Óskemende voleıboldan Ulttyq lıgadaǵy erler komandalary arasynda ótip jatqan HHI QR chempıonatynyń 3-shi týrynda almatylyqtar jeńilissiz kele jatyr.
Týrnır kestesinde 37 upaımen kósh bastaǵan olar qarsylastarynan uzap ketti. Qazir «Pavlodarda» (Pavlodar) - 30, «TNKQazhromda» (Hromtaý) - 29, «Atyraýda» (Atyraý) - 28, «Kondensatta» (Oral) - 27, «Esil» (Qyzyljar) men «Shyǵys-QorǵasynQurylysta» (Óskemen) - 10 upaı bar. Olardyń arasynda pavlodarlyqtar men atyraýlyqtardyń bir oıyny artyq. Búgin «TNK Qazhrom» men «Esil», «Almaty» men «Kondensat», «shyǵys-QorǵasynQurylys» pen «Atyraý» kúsh synasýda. Buǵan deıin qarsylastaryn hromtaýlyqtar 3:2, 3:1 esebimen jeńse, almatylyqtar bir oıynda utyp (3:0), ekinshisinde jeńilis (2:3) tapqan bolatyn. Al óskemendikter bolsa 2 oıynda da 3:0, 3:1 esebimen atyraýlyqtardan basym túsken edi.
Jalpy 8 aqpan kúni bastalǵan bul saıys erteń óz máresine jetedi. Aqtyq oıynda oraldyqtar hromtaýlyqtarmen, pavlodarlyqtar almatylyqtarmen, qyzyljarlyqtar óskemendiktermen kezdesedi.
