Almatylyq voleıbolshy qyzdar Joǵarǵy lıganyń «A» dıvızıonynda kósh bastady
ALMATY. 25 jeltoqsan. QazAqparat - Óskemende 20-24 jeltoqsan kúnderi voleıboldan áıelder komandalary arasynda Joǵarǵy lıganyń «A» dıvızıonynda Qazaqstan chempıonaty 2-týrynyń oıyndary ótti.
Barlyq qarsylastaryn utyp múmkin bolǵan 15 upaıdyń 14-in óz qorjynyna salǵan «Almatınochka-Almaty» komandasy týrnır kestesinde kósh bastady. Buǵan deıin 23-27 qarashada Qaraǵandyda ótken alǵashqy týrda úzdik shyqqan qostanaılyqtar bul joly 20 upaımen úshinshi oryndy qanaǵat tutty. Al kóshbasshydan 2 upaıy kem qaraǵandylyqtar ekinshi orynda keledi. Týrnır kestesiniń ekinshi bóliginde Óskemenniń «Shyǵys-Qorǵasyn Qurylys-2» (15 upaı), Oraldyń «Gratsııa-KZ» (6 upaı) jáne Pavlodardyń «Ertis-Qazhrom-2» (1 upaı) komandalary tur.
Bul synda almatylyqtar óz qorjynyn - 14, qaraǵandylyqtar - 13, óskemendikter - 9, qostanaılyqtar - 6, oraldyqtar - 3 upaımen tolyqtyrsa, pavlodarlyqtar birde-bir upaıǵa ıe bola almady. Onda oraldyq Ulmeken Melisova, almatylyq Ekaterına Razorenkova, qaraǵandylyq Inna German, óskemendik Svetlana Kımasova, qostanaılyq Anastasııa Rostovşıkova, pavlodarlyq Darıa Shevchýk ekinshi týrdyń úzdik oıynshylary dep tanyldy. Endi kelesi týr 19-26 aqpanda ótetin bolady.
