Almatylyq voleıbolshy qyzdar Ulttyq lıgadaǵy el chempıonatynyń 2-týryndaǵy aqtyq kezdesýin astanalyqtarmen ótkizedi
ALMATY. 24 jeltoqsan. QazAqparat /Erlik Erjanuly/ - Almatydaǵy «Temir dos» sport kesheninde ótip jatqan Ulttyq lıgadaǵy áıelder komandalary arasyndaǵy HH Qazaqstan chempıonynyń 2-týrynda jarys qojaıyndary týrnır kestesindegi jaǵdaıyn nasharlatyp aldy.
1-týrda 7 upaımen týrnır kestesinde 4-shi orynǵa taban tiregen almatylyqtar qazirgi tańda óz ornyn Qaraǵandy oblysynyń komandasyna bosatyp otyr. Búgin olar endi aqtyq kezdesýin astanalyqtarmen ótkizedi.
Alǵashqy 5 kúnniń qorytyndysy boıynsha 30 upaımen Almaty oblysynyń voleıbolshylary («Jetisý») kóshbasshylyqty eshkimge berer emes. Úzdik úshtikti 22 upaımen Pavlodar oblysynyń «Ertis-Qazhromy» men 19 upaı jınaǵan «Astana» komandasy túıindep tur. Odan keıingi oryndarda «Qaraǵandy» (12 upaı), «Almaty» (10 upaı), «Metallýrg AMT» (9 upaı), «ShyǵysQorǵasynQurylys» (6 upaı) voleıbolshylary kele jatyr. Olardyń ishinde upaı qoryn ulǵaıtýǵa Almaty men «Metallýrg AMT» komandalarynyń bir-birden, al ózgelerdiń 2 múmkindigi bar. Óıtkeni 18 jeltoqsanda jalaýy kóterilgen bul saıys 25 jeltoqsanda aıaqtalady. Onda almatylyqtar aqtyq kezdesýin búgin, al temirtaýlyqtar erteń ótkizbek.
