Almatylyq voleıbolshy qyzdar Qazaqstan kýbogynyń shırek fınalynda úzdikter qatarynda kele jatyr
ALMATY. 6 qarasha. QazAqparat - Qaraǵandyda voleıboldan áıelder arasynda Qazaqstan kýbogynyń shırek fınaldyq oıyndary ótip jatyr.
Ótken juma kúni bastalǵan bul báseke búgin 6 qarashada aıaqtalady. Alǵashqy 3 kúnniń qorytyndysy boıynsha qazir týrnır kestesinde 9 upaımen «Jetisý» (Taldyqorǵan) men «Qaraǵandy» 1-2 orynda, 6 upaımen «Almaty» men «Astana» 3-4 orynda kele jatyr. Al «Ertis-Qazhrom» (Pavlodar), «Spartak AMT» (Temirtaý), «Gratsııa Astana KZ» (Astana) komandalarynyń qorjyny ázirge bos.
Endi taldyqorǵandyqtar men qaraǵandylyqtar, astanalyqtar men pavlodarlyq, temirtaýlyqtar men qostanaılyq jáne astanalyqtardyń «Gratsııa Astana KZ» komandasy almatylyqtarmen kúsh synasatyn bolady. Eger bul synda da óz basymdyǵyn dáleldeı alsa, «jetisýlyq» voleıbolshylar týrnır kestesindegi kósh basshylyqty tizgindi óz qolynda saqtap qalýǵa tolyq múmkindigi bar. Óıtkeni olardyń odan keıingi 3 qarsylasy da týrnır buǵan deıin synda ózgelerge upaı berip qoıǵan bolatyn.
