Almatylyq voleıbolshy qyzdar Qazaqstan kýbogynyń shırek fınalynda úzdik úshtiktiń qatarynda kele jatyr
ALMATY. 8 qarasha. QazAqparat - Qaraǵandyda voleıboldan áıelder komandalary arasyndaǵy Qazaqstan kýbogynyń shırek fınaldyq oıyndarynda «jetisýlyqtar» 5 kezdesýden keıin eń joǵary 15 upaımen qarsylastarynan uzap ketti.
Taldyqorǵan qalasynyń sportshylarynan ǵana utylǵan alań ıeleri 12 upaımen ekinshi satyda kele jatyr. Al qorjyndarynda 9 upaıy bar «Almaty», «Ertis-Qazhrom» (Pavlodar), «Astana» komandalary 3-5 oryndy ózara bólisse, 6 upaımen qostanaılyqtar altynshy, al jeńilisten kóz ashpaı kele jatqan «Spartak AMT» (Temirtaý) men «Gratsııa Astana KZ» týrnır kestesiniń sońynda qalyp qoıdy. Erteń endi «Qostanaı» men «Astana», «Gratsııa Astana KZ» pen «Jetisý», «Almaty» men «Ertis-Qazhrom», «Qaraǵandy» men «Spartak AMT» ózara jup quraıdy. Al senbi kúnijetisýlyqtar qostanaılyq, astanalyqtardyń «Gratsııa Astana KZ» komandasy temirtaýlyqtarmen, al negizgi komandasy almatylyqtarmen jáne pavlodarlyqtar qaraǵandylyqtarmen aqtyq oıyndaryn ótkizedi.
