Almatylyq voleıbolshy qyzdar Qazaqstan kýbogynyń shırek fınalyna shyqty
ALMATY. 25 qazan. QazAqparat - Búgin Astanada voleıboldan áıelder arasynda HH Qazaqstan kýbogy alǵashqy kezeńiniń shırek fınaldyq oıyndary ótip jatyr.
Onda «Almaty» men «Gratsııa Astana KZ», «Shyǵys Qorǵasyn Qurylys» (Óskemen) pen «Qostanaı», ««Spartak AMT» (Temirtaý) men «Oqýshylar saraıy» (Astana), «Jetisý-2»(Taldyqorǵan) men «Qaraǵandy-2» ózara kúsh synasýda. Erteń bul dodanyń aqtyq syndary bolady. Odan keıin bul synda joǵary nátıjege qol jetkizgen «Almaty», «Shyǵys Qorǵasyn Qurylys», «Qostanaı» men «Gratsııa Astana KZ» komandalary 1-10 qarasha kúnderi Qaraǵandyda ótetin Qazaqstan kýbogynyń shırek fınaldyq oıyndarynda baq synaıdy. Onda olardyń qarsylasy Ulttyq lıganyń 2011/2012 jylǵy maýsymynda joǵary nátıjege qol jetkizgen «Jetisý» (Taldyqorǵan), «Astana», «Ertis-Qazhrom» (Pavlodar) men «Qaraǵandy» komandalary bolmaq.
