Almatylyq voleıbolshy qyzdar Qazaqstan kýbogynyń alǵashqy kezeńinde jeńimpaz atandy
ALMATY. 27 qazan. QazAqparat - Astanada 21-26 qazan kúnderi voleıboldan áıelder arasynda HH Qazaqstan kýbogynyń alǵashqy kezeńi ótti.
Onda «A» tobynda joǵarǵy 9 upaımen úzdik shyqqan «Almaty» voleıbol klýby 1-8 fınalda «Qaraǵandy-2» komandasyn, al pleı-off syndarynda«Gratsııa Astana KZ» men «Qostanaı» voleıbolshylaryn 3:0 etip utyp jeńimpaz atandy. Al «Qostanaı» ekinshi, «Shyǵys Qorǵasyn Qurylys» (Óskemen) úshinshi, ««Gratsııa Astana KZ» tórtinshi, Spartak AMT» (Temirtaý) besinshi, «Jetisý-2» (Taldyqorǵan) altynshy, Qaraǵandy-2» jetinshi, «Oqýshylar saraıy» (Astana) segizinshi oryn aldy.
Endi úzdik tórttiktiń qatarynan oryn alǵandar 1-10 qarasha kúnderi Qaraǵandyda ótetin Qazaqstan kýbogynyń shırek fınaldyq jarysyna qatysady. Onda olar Ulttyq lıganyń úzdikteri atanǵan «Jetisý» (Taldyqorgan), «Astana», «Ertis-Qazhrom» (Pavlodar), «Qaraǵandy» komandalarymen birge synǵa túsetin bolady.
