Almatylyq voleıbolshy qyzdar Qazaqstan kýbogynyń alǵashqy kezeńinde «A» tobynda úzdik shyqty
ALMATY. 24 qazan. QazAqparat - Búgin Astanada voleıboldan áıelder arasynda HH Qazaqstan kýbogynyń 1/8 fınaly ótip jatyr.
Alǵashqy kezeńde «Qostanaı», «Gratsııa Astana KZ» (Astana), «Oqýshylar saraıy» (Astana) komandalarymen birge «A» tobynda óner kórsetken «almatylyqtar» barlyq qarsylastaryn oısyrata utyp, 9 upaımen úzdik shyqty. Búgin olar shırek fınaldyń joldamasy úshin «B» tobynda 4-oryn alǵan «Qaraǵandy-2» voleıbolshylarymen saıysqa túsedi. Bul saıysta sondaı-aq 2-oryn alǵan «qostanaılyqtar» qarsy topta 3-oryn alǵan Taldyqorǵannyń «Jetisý-2», 3-oryn alǵan «Gratsııa Astana KZ» bolsa, 2-oryn alǵan Temirtaýdyń «Spartak AMT», al 4-oryn alǵan «Oqýshylar saraıy» «B» tobynyń jeńimpazy bolǵan Óskemenniń «Shyǵys Qorǵasyn Qurylys» komandasymen kúsh synasady.
