Almatylyq voleıbolshy qyzdar Qazaqstan kýbogynyń alǵashqy kezeńin sátti bastady
ASTANA. 22 qazan. QazAqparat - Astanada voleıboldan áıelder arasynda HH Qazaqstan kýbogynyń birinshi kezeńi ótip jatyr.
26 qazanǵa deıin sozylatyn bul jarystyń keshe alǵashqy kezdesýleri boldy. Onda «Almaty», «Spartak AMT» (Temirtaý), «ShyǵysQorǵasynQurylys» (Óskemen) komandalary alǵashqy jeńisterine qol jetkizdi. Onda «almatylyqtar» Astananyń «Oqýshylar saraıy» (25-6, 25-4, 25-9), «qostanaılyqtar» Astananyń «Gratsııa Astana KZ» (25-12, 25-15. 25-21), óskemendikter «Qaraǵandy-2» (25-8, 25-21, 25-7) komandalaryn 3:0, al temirtaýlyqtar Taldyqorǵannyń «Jetisý-2» komandasyn 3:1 (26-24, 25-15. 16-25, 25-18) esebimen utty.
Búgin endi taldyqorǵandyqtar - qaraǵandylyq, almatylyqtar - qostanaılyq, al astanalyq qos komanda ózara kúsh synasady. Toptyq kezeńniń saıystary 23 qazanda aıaqtalady. Sársenbi kúni óz tobynda úzdik shyqqandar qarsy topta 4-shi orny alǵandarmen, al ekinshi orny alǵandar úshinshi oryndaǵylarmen kezdesedi.
Jalpy el kýbogynda buǵan deıin Almaty qalasynyń «Rahat» komandasy 2000-2005, 2007 jyldary 7 ret jeńimpaz atanǵan bolatyn. Al bul mártebege Taldyqorǵannyń «Jetisý» komandasy 2006, 2008-2011 jyldary 5 ret, Astananyń «Astana qanaty» 1999 jyly 1 ret ıe boldy.
