Almatylyq velokomanda kontınettik lıtsenzııa aldy
ASTANA. QazAqparat - Almatydaǵy «Apple Team» jańa qazaqstandyq kásibı velokomandasy Halyqaralyq velosıpedshiler odaǵynyń kontınettik lıtsenzııasyn aldy (UCI), dep habarlaıdy QazAqparat Qazaqstannyń velosıped sportynyń federatsııasyna silteme jasap.
Almatylyq velokomanda quramyna 15 sportshy kiredi: Ilıa Davıdenok, Artýr Fedoseev, Dmıtrıı Rıve, Islam Ýsmanov, Shákir Ádilov, Nıkolaı Zaıtsev, Anton Lavrentev, Vadım Galeev, Oleg Zemlıakov, Ilıa Gorbýshın
Pavel Gatskıı, Dmıtrıı Lýkıanov, Maqsat Aıazbaev, Aleksandr Gladılın, ıÝrıı Şerbının. Komandanyń sport dırektory - Evgenıı ıAkovlev.
Veloshabandozdardyń basym kópshiligi - almatylyq sportshylar. Komanda eldegi birinshi óńirlik veloklýbtardyń biri - «Almaty veloklýbynyń» negizinde qurylǵan.
2017 jyly Almaty qalasy ákimdiginiń qoldaýymen jańa kontınenttik klýb mártebesin ıelenýge kirisken bolatyn. Komandanyń tusaýkeser rásimi byltyr qyrkúıek aıynda «Týr Almaty 2017» halyqaralyq kásibı velojarysynyń besinshi mereıtoılyq kezeńinde ótken edi.
Jańa kontınenttik velokomandanyń kıiminde - jasyl japyraqty qyzyl alma beınelengen.
«Apple Team» sport dırektory Evgenıı ıAkovlevtiń aıtýynsha, birinshi maýsym edáýir kúrdeli bolady.
«Aldymen klýbtyń jumysyn bapqa keltirý qajet. Biz kóptegen qıynshylyqtarǵa alǵashqy ret betpe-bet kezdesetin bolamyz. Baǵymyzǵa oraı, Qazaqstanda velosport aıtarlyqtaı damyǵan, ári «Apple Team» elimizdegi úshinshi kontınenttik komanda bolǵandyqtan, biz áriptesterimizdiń tájirıbesine súıene alamyz. Biz aldymyzǵa jaqsy nátıjelerge jetý, keleshegi bar sportshylar men jańa demeýshilerdi tartý, sondaı-aq mańyzdy halyqaralyq jarystarǵa daıyndalý maqsattaryn qoıamyz», - deıdi Evgenıı ıAkovlev.
