Almatylyq vaktsına alyp iPhone utyp aldy

Saýda ortalyǵyndaǵy egý pýnktinde koronavırýsqa qarsy ekpe alǵan júzden astam almatylyq oljaly bolsa, bas júlde IPhone 12 smartfonyn 20 jastaǵy medbıke Álim Marǵul ıelendi.

«Egý pýnkti bizdiń ortalyqta ornalasqandyqtan ony alý óte yńǵaıly boldy. Qala turǵyndary kelip, ekpe jasaı bastady. Olarǵa qoldaý kórsetip, syılyqtar oınatýdy sheshtik. Bul Globus SOO-nyń qoldaýy», – dedi Globus ortalyǵynyń marketology Dalııa Jaqypova.

Vaktsınaǵa nazar aýdarý úshin aqparattyq-túsindirý naýqany júrgizilýde. Bul rette shaǵyn jáne orta bıznes ókilderiniń uıytqysymen qalada turǵyndarǵa vaktsına salý boıynsha erikti naýqanǵa qatysýǵa yntalandyrý úshin túrli utys oıyndary men lotereıalar ótkiziledi.

Saýda ortalaǵynyń ákimshiligi jalǵa alýshylardyń qoldaýymen sertıfıkattar men telefondardy oınatýdy sheshti.

Utys barysynda lototronǵa blankter salyndy, olar sol kúni vaktsına alǵandardy toltyrdy.

Bul joly sáttilik almatylyq Álim Marǵulǵa tústi. Boıjetken №30 emhanada bir jyl jumys isteıdi. Ol medıtsına kolledjiniń túlegi. Mamyr aıynyń basynda Globus SOSO tanys pýnktinde vaktsına alǵan.

«Men emhanada jumys isteımin. Bul aýrý rasymen qaýipti. Sondyqtan men ózime jáne basqalarǵa qaýip tóndirgim kelmeıdi. Ásirese naýqastarǵa. Men utys oıyny týraly umytyp kettim, olar maǵan qońyraý shalyp, jeńgenimdi aıtty. Basynda ázil eken dedim. Áli sene alar emespin. Telefonymdy áli alǵan joqpyn, kezekshiliktemin», - dedi medbıke.

Aıta keteıik, qalada medıtsınalyq uıymdarda, mektepterde, mádenıet, sport obektilerinde, bazarlarda jáne qalanyń saýda oıyn-saýyq ortalyǵynda 212 vaktsınatsııa pýnktteri jumys isteıdi. 1 260 adamnan turatyn 308 egý brıgadasy jumyldyryldy.

Almaty qoǵamdyq densaýlyq saqtaý basqarmasynyń málimetinshe, 2 maýsymdaǵy jaǵdaı boıynsha vaktsınany 307 981 adam aldy, onyń ishinde 5 115 polıtsııa qyzmetkeri, 23 240 pedagog, 29 136 medıtsına qyzmetkeri.