Almatylyq turǵyndar ózenge káriz sýy quıylyp jatqanyna shaǵymdandy
ALMATY. QazAqparat - Almatylyqtar Jarbulaq ózenine káriz sýy quıylyp jatqanyna shaǵymdandy. Bul jaǵdaıǵa qatysty ákimdik tekserý júrgizdi, dep habarlaıdy QazAqparat tilshisi.
Sý arnasynyń lastanýyna alańdaǵan turǵyndar áleýmettik jelige birneshe kún buryn vıdeo jarııalap , tıisti mekemelerden kómek suraǵan edi
«Káriz sýynyń qaldyqtary Jarbulaq ózenine tógiledi. Ákimdik qyzmetkerleri kelip «bul káriz sýy emes»,- deıdi. Olaı bolsa, bul ne sý? Dalada aýa temperatýrasy nólden tómen», - dep ashýlandy Almaty turǵyny.
Medeý aýdanynyń ákimdigi ekologııa bólimi qyzmetkerleri men aýdandyq tabıǵatty qorǵaý polıtsııasy joǵaryda atalǵan Shýhova kóshesi № 3 mekenjaıǵa bardy dep jaýap berdi.
«Zertteý nátıjeleri boıynsha, birinshi sý ótkizbeıtin qabatta ornalasqan jerasty sýlarynyń aǵyp jatqandyǵy anyqtaldy», - dep túsindirdi ákimdikten.
