Almatylyq turǵyn geroındy poshta arqyly jóneltpek boldy
ALMATY. Qańtardyń 15-i. QazAqparat -«Ońtústik» aqparattyq-logıstıkalyq ortalyǵynda ornalasqan «Qazposhta»AQ bólimshesinde poshta jóneltilimderi ishinen 0,80 grammdyq geroın salynǵan hatqalta tabyldy,
dep habarlaıdy QazAqparat Almaty qalalyq kedendik baqylaý departamentine silteme jasap.
Hattaǵy untaqtyń geroın ekendigin sottyq-medıtsınalyq saraptama qorytyndysy kórsetken. Geroın salynǵan hatty jiberýshi Almaty qalasynyń, alýshy Reseı Federatsııasy, Kırov oblysynyń turǵyny kórinedi. Esirtkini Almaty qalasynyń kedendik baqylaý departamentiniń kontrabandamen kúres basqarmasynyń qyzmetkerleri «Jetisý» kedendik baqylaý postynyń qyzmetkerlerimen birlesip, kedendik baqylaý júrgizý kezinde anyqtaǵan. Qazirgi tańda tekserý júrgizilýde.
