Almatylyq trıatlonshylar 2019 jyl maýsymyn jabyq chempıonatpen aıaqtady

Almaty trıatlon federatsııasynyń atqarýshy dırektory Rýslan Qoǵaıdyń aıtýynsha, jabyq bólmelerdegi trıatlon - bul qarsylastar men tóreshiler árdaıym qasynda bolatyn erekshe bastama.

«Árbir sportshyǵa biz «jeke» sýdıany bekitemiz, ol kezeńderdiń oryndalý tazalyǵyn baqylap qana qoımaı, sonymen qatar baǵyt ýchaskelerinen jaqsy ótý boıynsha usynystar beredi. Búgingi chempıonat sport ǵımarattarynyń múmkindikterin qanshalyqty keńinen qoldanatynyn kórsetedi. Velotrenajerler men júgirý joldary árbir fıtnes-ortalyqta, al júzý basseınderi - árbir dene shynyqtyrý-saýyqtyrý kesheninde bar. Sondyqtan mundaı jarystardy respýblıkanyń kez kelgen qalalary men aýdandarynda ótkizýge bolady»,- dep túsindirdi Rýslan Qoǵaı.

Birinshi kúni «sýper-sprınt» (300 m - júzý, 8 km - veloetap, 2 km júgirý) qashyqtyǵynda 13 jastan joǵary 60 kásibı sportshy synǵa tústi. Tóreshilerden basqa, árbir sportshyny jattyqtyrýshylar muqııat baqylap, jańa sport darynyn izdedi.

«2019 jyly Almaty Triathlon Federation qalalyq, respýblıkalyq jáne halyqaralyq deńgeıdegi toǵyz jarys ótkizdi. Jappaı trıatlondy damytý strategııasy aıasynda bes áýesqoı start uıymdastyryldy», - deıdi ATF bas bapkeri Maksım Mazýr.

Chempıonattyń birinshi kúniniń qorytyndysy boıynsha: Kamılla Akımjanova, Danıl Nısanov (U13-15); Snejana Sherbýl, Danıl Kolomyıtsev (U16-17); Anatolıı Sokolov (U18-19); Marııa Vıazıgına, Denıs Nıkışenko (Elite) jeńimpaz atandy.

Jarystyń ekinshi kúninde «sýper-sprınt» qashyqtyǵynda 18-den 60 jasqa deıingi áýesqoı atletter jarysqa shyqty. Bul jerde motıvatsııa múldem basqasha boldy: árkim qarsylastarmen ǵana emes, eń aldymen óz rezervterin «beriktikke» teksere otyryp, ózderimen jarysty.

«Qashyqtyqtyń sharttary starttan bastap startqa deıingi progresti qadaǵalaýǵa múmkindik beredi. Sýdaǵy tehnıka boıynsha jumys isteýge, ashyq sý aıdynynda baǵdarlaýdy, býılardyń ornalasýyn jáne t. b. eskermesten, óziniń «taza» júzýin baǵalaýǵa jaqsy múmkindik bar. Sonymen qatar, Indoor - sport zaldarynda uzaq kezeńderde maýsymaralyq jattyǵýlar úshin yńǵaıly»,- deıdi sport sheberi Maksım Chernyı.

Chempıonattyń ekinshi kúniniń jeńimpazdary: Amılııa Iskakova, Georgıı Boroda-Dýdochkın (U18-29); Saltanat Qazybaeva, Roman Kýznetsov (U30-39); Anna Stroeva, Vladıslav Kopbosynov (U40-49).

Aıta ketý kerek, áýesqoılar kásibı sheberlerden kem emes, al «Ardagerler» jarysta tózimdilik pen kúsh-jigerdi kóresete bildi. Osylaısha, 50+ kategorııasynda óner kórsetken Talǵat Jumaǵalıev pen Lıýbov Asanova ekinshi ret chempıondar medalin taqty.

«Almaty Triathlon Federation» 2018 jyly QR-daǵy barlyq trıatlon sport birlestikteri arasynda «Jyl Federatsııasy» dep tanyldy. ATF qyzmetiniń arqasynda Almaty qalasy Ortalyq Azııadaǵy trıatlon damýynyń basty draıveri boldy.